நானொழிந்து நீயாக

நானொழிந்து நீயாக வேண்டு மையா

நாதாந்த துய்யனே வேதாந்த மெய்யனே  

தானாகி நின்றதை பிரம்மமென்று கூறுவார்

பிரம்மமாகி நிற்பதே நீயென்று கூறுவேன்

மானாடும் மயிலாடும் ஆட்டத்திற் களவுண்டு

மனமாடும்  ஆட்டத்திற் களவே யில்லை 

அளவில்லா ஆட்டத்தால் அகிலத்தில் அலைகின்றேன்

அரும்பாடு பட்டும் உள்ளே அமைதியில்லை

அமைதியில்லா வாழ்வு அடியேனுக் கெதற்காக

அழித்துவிடு எந்தன் ஆணவத்தை

ஆணவம் அழிந்தால்தான் அறியமுடியும் உன்னை

அண்டி வந்தேன்ஞான ஆனந்த வள்ளலே